Chanchinthar Mizoram

National Voters Day hmang dawn

Nimin khan Chief Electoral Officer office ah Election Department hotute, sawrkar mi pawimawh-te leh NGO hruaituten January 24 a National Voters Day hman dan tur an rel a, kumin National Voters Day ah hian Mizoram Larsap thar, Dr. Aziz Qureshi chu khuallian atan hman a ni dawn a ni.

Meeting kaihruaitu Chief Electoral Officer Pi Manisha Saxena chuan National Voters Day hi India khua leh tui dik tak vote nei thei chin zawng zawngte vote nei thei tura an in ziah luh nana mipuite zirtirna ni atan hman thin a nih thu a sawi a.

January 25 a hman thin, National Voters Day hi Pathian ni a tlak tak avangin January 24 a sawn hma a ni.

National Voters Day programme hi January 24, chawhma dar 11:00 ah Vanapa Hall ah hman a ni dawn a. Hemi ni hma hian National Voters Day chungchang sawihona hun chu DDK ah mithiam sawmbik ten an nei dawn a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com