Chanchinthar Mizoram

Naupang huaisen te chawimawina hlân

Naupang huaisen lawm-man “National Bravery Award”, 2013 dawngtu mizo naupang 4 te chu nimin khan Social Welfare Minister leh Mizoram State Council for Child Welfare (MSCCW) President ni bawk Pu P.C.Lalthanliana’n a pisaah lawmpuina thingpui in puiin chawimawina a hlan.

Naupang huaisen te hi Minister hian chawimawina thuziak leh pawisa fai cheng singkhat theuh a hlan a ni.

Naupang huaisen lawmman National Bravery Award , 2013 dawngtu mizo naupang pali zinga mi Hani Ngurdinthari (15), Lengte, Mamit District chuan kum 2013 khan a ṭhiante Dialdawk luia tla ṭum 4 lai a chhanchhuak a ni.

Malsawmtluangi (L) (13), Lengte, Mamit District, D/o Lalduhawmi chuan June 8, 2013-a a ṭhiante nena chaw-hmeh la a an ram kal haw chu Dialdawk luiah an chesual a, a nau Vanrosanga leh a thiannu Lallawmawmi te chu tuiah an tla a. Malsawmtluangi hian chhan tumin luiah hian a zuang thla ve nghal a, mahse tui a thiamloh avang leh tui a khauh em avangin chhan hman  lovin a nunna hial a chan phah ta a ni.

Vanlalhruaia (10), Hmunsam Veng, Mamit, S/o Lalram-nghinglova (L) chuan May ni 4, 2013 khan a ṭhiannu Zomuan-puii Tuidai luia tla chu a chhan-chhuak a, Zomuanpuii tui aṭanga a lak chhuah hnu ah, khaw chhungah  midang pun turin a tlan lut lehnghal a ni.

Remlalhruaitluangi (9), Hruaikawn Champhai District D/o Vanlalthanga chuan April ni 4, 2013 khan a ṭhiante 2 – Maichammawii leh Lalthanpuia, |iau luia tla chu chhan tumin theihtawpin a bei a, Lalthan-puia chu chhanchhuakin Maichammawii erawh a chhan hman ta lo a ni.

National Bravery Award hi mizo zingah mi 26 in an lo dawng tawh a, an zinga mi 9 te hi thih hnua hlante (posthumous awardee) an ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.