Chanchinthar Mizoram

Ni 6 chhung êng nei tawh lo

Tunhnaia khawchhia avanga electric hrui chhia avangin Tlabungin ni 6 chhung eng an hmu tawh lo a, hemi avang hian Tlabung Mizo Students’ Union Hq chuan a theih anga hmalâk dan a ngaihtuah.

Niminpiah khan Tlabung leh Tuichawng inkara êng an lâkluhna hrui chhuiin, thingzár leh hnimin a bawhbuai chu thianfaiin an hnatlang tih an pawl thuchhuah chuan a sawi a, Tlabung êng lâkluhna hrui hi 33 KV line a nih avang leh, electric hrui hian ram chhengchhe tak tak a paltlang avangin, ruahtui a tlâk hlek chuan line a chiangkuang lo nghal mai thin a; tun tumah chauh lo pawh, vawi tam tak harsatna an lo tâwk tawh niin an sawi a ni.

Tlabunga Power and Electricity Department huam chhungah hian Tlabung chheh vel khaw 26 awmin, tunah hian thawktu 25 in an vil mek a; thawktu indaihlohna hi sukiang a, a rang thei ang bera Sub Station puitlinga hlângkài turin Sorkar an ngên tih an sawi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.