Chanchinthar Mizoram

Permit huam chin mau 50,000 bak hralh phal lo

Principal Chief Conservator of Forest (PCCF), Pu Rosiama Vanchhawng chuan tunlaia mau hralh chungchangah thuthang dik lo a awm chu pawi a tih thu Mamit khawpui chhunga thuthar thehdarhtute a hrilh.

PCCF chuan, Forest Deptt. in mau neitu, Mizoram mi LSC/Periodic Patta neite chauh permit a pek thu leh, hralh phal loh a nih laia lo hralh rute avangin mau no/tuai sah a tam phah a, permit-ah mau puitling kum 4 chin sah/hralh tura tih a nih thu leh permit huam chin mau 50,000 bak hralh phal loh a nih thu a sawi. Mau hi Mizoram pawn lama thawn chhuah a nih dawn chuan mau pakhatah pawisa 50 (Royalty) chawi a ngai tih sawiin, Mizoram chhunga hman tur a nih chuan Royalty an chawi-tir ngai loh thu a sawi bawk.

Tun dinhmunah Mamit Division huam chhungah Permit nei mi 20 an awm mek a, heng permit neite hian dan an bawhchhia a nih chuan warning pek an ni a, an bawhchhe nawn a nih chuan an pemit tihtawpsak an nih tur thu Forest Deptt. hotute chuan an sawi bawk.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.