Chanchinthar Mizoram

Ramri-a harsatna thlenna hmun tlawh

Pu K.Lalrinthanga Parliamentary Secretary leh Serlui Bialtu MLA chuan nimin khan Buhchangphai Ramtharzau tlawhin niminpiah lama Assam Police leh Assam Forest ten an vau chungchangah thil awmdan a hmunah enfiahin a tlawh a ni.Buhchangphai Ramtharzau a Pu R.Kapzuala leh Pu Dawnga te leilet tlawhtu bialtu MLA Pu K.Lalrinthanga chuan leilet enkawltu te chu an leilet enkawlte chhuahsan tura an tih chungchangah leilet neitu leh a enkawltu te chu a thlamuan a, Pu Lalrinthlanga chuan kan mipui ten thlamuang taka an eizawnna an kalpui hi kan duh thusam a ni a ti a, chutihlaia Assam Police leh Forest ten kan an leiletah kalchilha an lo vau fo mai hi Mizoram sawrkar chuan a ngai thei lova, an rawn ti leh a nih chuan sawrkar chu a ngawi mai mai dawnlo a ni tiin, harsatna an rawn siam leh a nih chuan keini pawhin an state chhungah kalin an mipuite chungah harsatna kan siamsak ve lovang tih a sawi theih loh a ni a ti.

Hemi chungchangah hian niminpiah khan Kolasib SP chuan Hailakandi SP chu hetianga hma rawn la tawhlo turin a hriattir a, hei bakah hian OC level pawhin hemi chungchangah hian an inbe bawk a, Ramtharzauah hian Vairengte SDPO hovin 1st IR Sipai engemawzat chuan an awmchilh mek a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com