Chanchinthar Mizoram

Ruihhlo engemawzat man

Aizawl SP hnuaia District Special Branch te chuan nimin chawhnu dar 1:30 pelh hret khan Aizawl Thakthing venga Lalrintluanga (35) hnen aṭangin ruihhlo-PseudoEphedrine Mum nuai 15, Local Market a `4/- zela chhutin
cheng nuai 60 hu an man.

Hemi kaihhnawihah hian a ina awm ve, Anthony Michael, Tamil mi, Manipura khawsa chu lak tel a ni a, damdawi te hi Myanmar lama tawlhruk tur nia sawi a ni a, chhui chian mek a ni.

Nimin vek khan Excise & Narcotics Department chuan Aizawl – Lunglei Road, Zemabawk dai, Ṭawngṭaina hmunah Heroin gram 14 leh a neitu a puh Lalremruata (25) Myanmar Hai mual khua, tuna Chawhte khuaa khawsa mek ni a insawi an man bawk a, Lalremruata hian Heroin hi Myanmar aṭanga a lak, Aizawla hralh tura a tih niin a sawi a ni.

Excise te hian Zirtawpni khan Teikhang lam aṭanga rawn ken thlak, Ganja Kg 6 leh a neitu, Muankimi (39) Teikhang khua nia insawi an man bawk a, Excise & Narcotics Department hian Lalremruata leh Muankimi te hi NDPS Act hnuaiah thubuai an siamsak a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.