Chanchinthar Mizoram

Saikhumphai chungchang Court-a ngaihtuah tum ṭhulh

Gauhati High Court Aizawl Bench-in nimina Saikhumphai chungchang a ngaihtuah tur chu Aizawl Bench-a thu tur Judge a lo kal theih loh avangin thulh a ni.

Saikhumphai michengte’n an khua chhuahsan tura sawrkar thupek an khinletnaa an ukil rawih pakhat zawk Pu Ramenga chuan Aizawl Bench-a ṭhu tur judge chu a rawn thlawh loh avangin court thu ngaihtuah tur hi sawn hlat a ni a ti a; court-in a ngaihtuah hun tur hriat a nih rih loh thu a sawi bawk.

Gauhati High Court Aizawl Bench hian April ni 16 a thutlukna a siam khan Mizoram sorkarin Saikhumphai bawk-a chengte hnawhchhuahna thupek a siam a thiah sak bakah he khuaa cheng an in chan tawhte sak that sak tur in thupek a siam a. An himna ngaihtuah turin a ti bawk niin Saikhumphai aiawha ding danhremite chuan an sawi a. Chutih laia April ni 29-a Saikhumphai bawk a in 40 vel zet hal a nih tak chungchangah High Court hian suo moto-in thubuai a siam a. Mizoram sorkar thuneitu, Chief Secretary, LAD Secretary, Champhai DC te, Vaphai VC te chu hemi chungchang sawifiah tur hian hriattirna pek an nih tur thu Pu Ramenga chuan a sawi a. Court thutlukna zah lova chetna chungchangah hian tuma’n thubuai an thehlut lova, High Court hian a siam zawk a ni an ti.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.