Chanchinthar Mizoram

Sava kah chungchangah DIG (NR)-in SP te hnenah thu thawn

Tun hnai leh tunlaia silai changkang tak tak hmanga sava tam tham tak tak kah thlak a awm ṭhin chungchangah Mizoram Police DIG (Northern Range), LT Hrangchal chuan February ni 16, 2016 khan Northern Range huam chhunga District SP zawng zawngte W/T message a thawn a, hetiangin :
“Tunlai hian Air Rifle tha chungchuang tak, Telescope vuah hmanga sava kah chiam chiam a hluar hle tih hriat a ni a. Report atanga a lan dan chuan mi pakhat pawhin ni khatah sava 100 chuang chuangte an kap hial a ni. He thil chin dan ṭha lo tak hi khuahkhirh a nih loh chuan hun rei lote chhungin kan ram sava hlu tak tak te an rem thei hial dawn niin a lang. The Wildlife Protection Act, 1972 tlawh chhanin heng thil sual titute zawng chhuak a, man tur hian hriattir in ni e. Hemi atana hmalaknaah hian a tul dan ang zelin Environment & Forest Dept leh heti ang lama hma latu NGO te nen pawh thawhhona tha tak neih ni se a ṭha ang,” tiin, Mizoram Police DIG (Northern Range) chuan a bial chhunga District SP tinte chu hma la turin a hriattir a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.