Chanchinthar Mizoram

Sawhthing Rate ṭha chho zel

Mizoram sorkar in sawhthing hralhna man bithliah chin a neih loh avangin sawhthing hralhna man a tha chho zel tih sawrkar thuchhuah chuan a sawi a, sawhthing thar hralhna rate chu nikum November thlaa kg-a `19/- aṭangin tunah hian kg ah `55/- ah a chho tawh a ni.

Mimal sumdawng zinga sawhthing thawn chhuaktu lian ber ni a sawi, Aizawl Bethlehem Vengthlanga cheng Pi Thangveli chuan kuminah Siliguri, Lucknow, Uttarakhand, Kolkota leh Delhi-ah te sawhthing quintal 171194 a thawn chhuak tawh a, Mizoram chhung hmun hrang hranga an agent 200 vel ten loneitu te hnen aṭanga sawhthing an leikhawm te chu Zemabawk a a chhekna godown ah hlangin hetah hian thliar leh pack fel hnuin ram dang ah an thawn chhuak ṭhin a. Kumina thar an lei khawm bag 258209 chu Zemabawk ah thlen a ni tawh a ni.

Hetianga free sale policy hnuaiah mimal sumdawng tan hma lak theih a nih tak avang leh hemi zara sawhthing hralhna a that chhoh tak zel avang hian loneitu tam takin sawhthing chin an uar thar leh a, thar chhuah pawh a pung chho mek tih sorkar thuchhuah chuan a tarlang a ni.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.