Chanchinthar Mizoram

Sawrkar karin Chawnghei ṭan

Kum 20 chuang an bialchhung kawngpui siamṭhat a nih tawh loh avang leh zirna lama ngaihthah an nih avanga an lungawilohna lantir nan Tuipuiral NGO Coordination Committee huaihawtin nizan aṭang khan an bial chhung khaw 25 aiawh ten Khawbung Auditoriumah chaw an nghei ṭan a, he thu buatsaih lai thlengin mi 80 vel an kalkhawm tawh ni a thudawn a ni a, nuar te hi sawrkar aiawhin Khawbung BDO-in meeting a neihpui mek a, an thuchhuak hriat hman a ni lo a ni.

Lungawilohna lantir mek, Tuipuiral NGO Coordination Committee sawi danin, Tuipuiral hi khawchhak lamah International Boundary km 58-a thui Myanmar nen inri an ni a, sualna chi hrang hrang heng ruihhlo tawlh, Bike ruk, tualthah, pawngsual leh adangten a chiah hneh ṭhin hle a, Myanmar hel CNA te leh CIA te pawhin tawm buk berah neiin, Nu nau an lo ti thlabarin inthahna hial te pawh alo thlen tawh ṭhin avangin venhimna an mamawh hle a ni. Hei vang hian an bial chhunga Police Station pakhat tal awm ve se an duh tih an sawi.

Tuipuiral huam chhung khaw hrang hrang hian lungawilohna lantir nan ni 13 atang khan Flag dum an lo tar tawh a, amaherawhchu sorkar atangin hmalakna an hmuh loh avangin nizan aṭang khan Khawbung Auditourium-ah chawnghei-a nawrhna an huaihawt ta a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.