Chanchinthar Serchhip

September thla aṭangin Serchhip-ah Parking Fee khawn ṭan tum

State Transport Authority thuchhuak anga District khawpui tina Vehicle Parking Fee khawn tura ruahmanna siam a nih angin Serchhip khawpui hmun thlan bikah pawh September, 2017 aṭangin Parking Fee khawn ṭan tawh tura ruahmanna siam mek a ni.

Serchhip khaw chhung hmun thlan bikah Parking Fee khawn a nih tur thu hi District Traffic management Committee chuan State Transport Authority te nena inbe tawn chungin a lo ngaihtuah tawh a, Information Department chuan Committee thu chhuak pawh Serchhip mipuite hriat atan Press Release a lo siam tawh a ni.

Tunah hian Parking fee khawn tura ruahmanna awm hi a taka kalpui tawh turin District Traffic Management Committee chu a inpuahchah mek a, Chairman Pi Sangchhin Chinzah, DC, Serchhip chuan September thla aṭang vela khawn ṭan tuma ruahmanna siam a nih thu sawiin, tunah chuan collector tender chhuah tura hmalak mek a ni a, tihfel thuai a nih beisei a ni, a ti a, khaw-pui chhunga a khawnna hmun tur thlan chhuah te, Parking fee rate leh thil pawimawh dangte chu a hranpaa Press Release la tihchhuah leh a ni ang.

Hetianga ruahmanna kalpui a nih tak avang hian khawpui chhung kawngpui kama lirthei zan riah ṭhin te, kawngkam tihnawk thei bungrua leh thil dang dah mekte pawhin an bungruate lo seng hawi tur leh lirthei dahna neilote pawhin a dahna lo nei thuai turin an ngên nghal a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.