Serchhip

BPL training chhuak te hnenah hmanrua hlan nghal

Nimin khan Serchhip DC Conference Hall-ah UD&PA buatsaih SJSRY kaltlanga BPL member Furniture Workshop leh Puan Thui (Tailoring) zir chhuak mi 39 te hnenah Certificate leh an hmanraw mamawh te hlan an ni a, he inkhawm hi District Bawrhsap Pi Juhi Mukherjee, IAS chuan khuallian niin a hmanpui.

District Bawrhsap chuan trainee te chu mahni kutkawiha eizawnna pawimawh zia leh ngaihsanawmzia a hrilh a, Sawrkarin an hamthatna tura hmachhawp a siam sak te chu uluk taka zawm turin a chah bawk.

Nimin inkhawm kaihruaitu Pu ST Lalhmingmawia, DPO (SJSRY) chuan SJSRY hnuaia BPL Training hi Serchhip ah a vawihnihna anih thu a sawi a, kum kal ta chhung khan BPL te tan hmun hrang hrangah inhlawhna siam sak an nih thu leh mihring tha 979 chhawr anih thu leh tangka fai `1,90,280 sen a nih thu a sawi a, hemi chhung hian Self-Help Group 7 hnenah tanpuina `1,75,000 (25,000×7) sem a ni a, Urban Self-Employment Programme (USEP) hnuaiah loan `6,74,000 mi 18 hnenah pek a ni bawk.

SJSRY kaltlanga BPL member ten eizawnna kawng an dap theihna tur kawng kawhhmuhna tur atana training buatsaih hi Serchhip District-ah chuan a vawi 2-na niin thla 6 course (July 2012  – December 2012) a ni a, Furniture Workshop-ah hian mipa 9 inziaklutintraining centre thlan bik 3 ah sem darh an ni a, Tailoring-ah hian hmeichhia 30 in training centre 4 a\angin hlawhtling takin training an zo thei a ni.

Trainee ten thla tina an stipend dawn tur `500/- chu Department in khawl sakin an training chhuahruala an chhawr zui theih tur puan\hui khawl leh Electronic Randa a lei sak a, hengte hi trainee te hnenah hlan nghal an ni.

Puan |hui zirchhuakte hman tur Puan |hui khawl 30 lei nan `1,06,500/- sen niin, Dawhkan 30 lei nan `45,500 (1500×30) leh Plastic Stool 30 lei nan `7500 (250×30)  sen a ni a, Furniture Workshop Trainee te hman tur Electronic Randa 9 lei nan Department-in `25,200/- (2800×9) a seng a, stipend lak theih zat atanga paihin Furniture Workshop Trainee te hian balance `200/- theuh an hmu let leh bawk a ni.

Training na atana senso zawng zawng belhkhawm chu `3,32,500/- a ni.

Tun dinhmunah Serchhip khawchhung ah hian BPL chhungkua 1017 awmin member 4381 an awm mek a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.