Serchhip Zirna

Serchhip District Education Committee thukhawm

SSA Mission, Serchhip District hnuaia thuneitu sang ber District Education Committee chu nimin khan kum 2012-13 chhunga a vawi 4-na atan DC’s Meeting Room-ah an thukhawm a, thu pawimawh tak tak ngaihtuah leh sawihova, passed a ni bawk.

Meeting hi Chairman, DEC leh Serchhip DC ni bawk Pi Juhi Mukherjee, IAS chuan a kaihruai a, kum 2013 – 14 chhunga SSA Mission, Serchhip District hmalakna tur ruahmanna “Annual Work Plan & Budget 2013-14” chu ngaihtuahho a, pawm a ni a. Kum 2013-14 chhunga SSA Mission, Serchhip District sum hmuh tura ruahman pawm tak hi a vaiin cheng nuai 986.427 a ni a. Amaherawhchu, sum hmuh tura ruahman hi Ministry of Human Resource Development (MHRD) hnuaia Project Approval Board-in a la pawmpui leh ngai a nih avangin danglam thei a la ni tih Member Secretary & DPC Pu C.Lalthanzira chuan a sawi.

Meeting-ah hian tun dinhmuna hmun hnih (Chhingchhip leh Serchhip Dinthar Veng) – a SSA Girls Hostel kalpui mek chu kum 2013-14 a\ang chuan MHRD duhdan leh guideline anga hmun khat (Chhingchhip)-a sawikhawm nise tia rel a ni a. Midday Meal Programme hnuaia Cook-Cum-Helper te hlawh lak theih loh avanga harsatna tawh mek sawilan a ni bawk a. Hei hi a tul anga sorkar-ah thlen nise tia rel a ni bawk. Tin, Meeting-ah hian sum hmuh tur ang la hmuh loh avanga harsatna tawh hrang hrangte tarlana inhrilhfiah a ni bawk.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.