Chanchinthar Kohhran

Synod-in MLTP Act thuam chaka hmanzui zel an duh

Mizoram Presbyterian Church, Synod chuan thuchhuah siamin Zu khapna dan – Mizoram Total Prohibition act 1995 chu a ṭul anga thuam chaka hman zui zel a duh tih a tarlang.

Nimina an thuchhuahah chuan MLTP Act hman a nih aṭang khan khawlai chu a ralmuan thu te, mipui nun pawh a thianghlim phah nia an hriat thu te, Bible zirtirna aṭang leh Zu-in mihring nun a tihkhawloh theih dan ena thlah zalen chia an ngaih loh thu an tarlang a, thil ṭhalo chi hrang hrang khawtlanga thleng ṭhin chu zu nena inzawm fo nia an ngaih thu leh kum 1994 a Synod Social Front zirchiannaah zu chu thihpui an tam thu te, hmeithai zaa 65 chu pasal zu in ṭhinte thihsan an nih thu leh hemi avang hian fahrah an pung nia a lan avanga khuahkhirh chhunzawm zel chu ram leh hnam tan a him bera an rin thu an tarlang a, MLTP act chu a hlawhtlin zel theih nan theihtawp chuaha ṭawngṭaia ṭan la turin kohhran mi zawng zawng an ngen thar thu an tarlang a ni.

Hetihrual hian Mizoram Synod Executive Comittee(SEC) vawi 250 na nimina Synod Office a thukhawm chuan zu khap burna dan chu hlih emaw thlahdul emaw a nih loh nan kohhran huang chhungah ṭawngṭai rualna neih nise an ti a, hemi atan hian kohhran tinah ngenna siam nise an ti a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.