Chanchinthar Mizoram

Tlabungah SDO (C) a ngheta neih ngiatin kawng zawh

Tlabungah kum 3 kalta chhung khan SDO (C) nghet an neih mumal loh avangin mipuite’n harsatna chi hrang hrang an tâwk mek tih Tlabung MZP Sub Hqrs chuan an sawi a, an lungawilohna lantir nan nimin khan Tlabung khawchhungah kawng an zawh.

Hemi chungchang hi thuchhuah an siama an tarlan dan chuan, tunhnaiah Tribal Certificate leh Residential Certificate lâkchhuah tum zirlaite’n harsatna namên lo an tâwk nasa zual ni a, Tlabunga SDO (C) post chu Lungsen BDO nena kawptir a nih avangin SDO (C) awmte’n an awmchilh thei tak tak lo chu an harsatna ber a ni tih an sawi.

Hei bakah Tlabung chu ramdang nena inri anih avangin eng emaw hleka hnam hrang hrangte inkara buaina chhuak mai thei dinhmuna an ding an ni a, hetiang a nih laia sawrkar inrelbawlna ṭha kengkawh tur administrator an nei mumal leh si lo chu an tawrh phah tih an sawi bawk.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.