Chanchinthar Infiamna

UCL 2014-15 Champions Barcelona

Inrinni zan khan Berlin-a Olympic Stadium-ah Barcelona chuan Juventus hnehin UEFA Champions League nomawi an chawi ta a, kum 6 chhunga Champions League title 3 an lakna a ni a, hei bakah hian tun season ah La Liga, Copa del Rey leh UCL nomawi te chawiin treble champion an ni ta a, treble champion vawi hnih ni thei hmasa ber an ni.
First half inkhelah Barca an chungnung lawr lak a, goal pawh an khung hma hle. Inkhel an ṭan chauh tihah Rakitic chuan Barca hmahruaina goal chiang zetin a khung nghal a, he goal hi minute 4-naa lut a ni.

First half chhungin Suarez leh Neymar ten Barca tan chance tha an neia, goal erawh an khung lo thung. Morata leh Marchisio te chuan Juventus tan chance nei ve bawk mahse inkhelh thawhkhatna hun tam zawkah an khingpui Barca an khan lo hle a, harsa lo takin Barca-in inkhel thawhkhatna an thunun a ni ber.

Second Half-ah Juventus an insiam ṭha a, goal thun nan hun an duh rei bik lo. Minute 55-ah Morata hmangin an si phurh sutna goal an khung a. Box dinglam atangin hlauhawm zetin Lichtsteiner chuan a cross a, chu ball chu Tevez chuan lo la in rang takin a shot nghala, Stegen chuan nam per thei mahse changtu neilo Morata hmaah chiah tla in, Morata chuan harsa lo zetin goal ah a chan tir ve leh a ni.

An si phurh sutna in Juventus player te a chawk phur hle tih an chet dan atangin hai rual a ni ta lo, inkhela bet zawk ni kha goal hmaah an hlauhawm chhunzawm zat a, Pogba leh Tevez ten goal an khung chhunzawm teuh hle.

Barca an zam mai duh bik lova, Juventus phur tharna minute 68-ah nuai reh sak ve lehin, counter-attack hlauhawm tak aṭangin Messi chuan ṭha zetin goal ah a shot a, Buffon ball nam per chu Suarez chuan rang takin a bawh nghala, goal ah a chan tir zui ta a ni.

Neymar chuan hun tawp dawnah Barca goal thumna leh tun season he inelna a a goal 10-na a khung ve ta nge nge a, Barca chu champion a puan an ni chhunzawm ta a ni.

Barcelona hi final an luh hnuhnung 4-ah an champion vek, Juventus erawh an chaklo vek thung a, Juventus hian Final-a vawi 6 tlawmin final a chaklo hnem ber record an siam

Barca tlar hma pathum – Messi, Suarez leh Neymar te inkawp hian ti khan tun season-ah goal  122 an khung ta a, Juventus team pumpui goal khung erawh 104 chauh a ni.

Final ah goal dang Neymar a’n a khung leh tak avangin tun season ah Ronaldo leh Messi te goal khung zat zet goal 10 lai a khung tling ve ta a, anni pathum hi tun season a goal khung hnem ber an ni ta a ni.

Barca legends Xavi chuan a club tana a game hnuhnung ber khelin Champions League nomawi a chawipui leh ta a, Barca tan trophy 25 zet chawi tawhin, Spanish club pakhat tana trophy chawi hnem ber record a siam ta bawk.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com