Chanchinthar Mizoram

UD&PA-in ‘Mizorama Khawpui Fai Inelna-2017’ kalpui dawn

UD&PA Department chuan kumin 2017 hian a vawikhatna turin ‘Mizoram Khawpui Fai Inelna-2017’ a kalpui dawn a, he inelna Guidelines tur chu nimin khan UD & PA Minister Pu Zodintluanga chuan a pisa-ah a tlangzarh.

UD&PA Minister chuan Fai Inelna chungchang sawi-fiahin he inelna hi 2017-ah hian a vawikhatna atan neih a ni dawn a, hei hi kumtin neih chhunzawm zel tum a ni ang a ti a, khawpui fai endikna hi uluk tak leh felfai tak, duhsak bik awm lova kalpui tur a ni ang a; chutiang atan chuan Specialized Agency/Institution rintlakte emaw panel of experts te emaw phungbawmah sawmin endikna hna a kalpui ang, a ti bawk. Endikna atana senso pawh ruahman a ni dawn a. He Endikna atan hian Framework endikna criteria leh marks fel tak duan a ni a, gudielines-ah hian dah vek a ni tih Minister chuan a sawi.

He Khawpui fai inelna atang hian Mizoram a khawpui zawng zawng Ranking 2017 siam a ni ang a, kumina ranking hi inelna neih a nih leh hma chuan a ding reng dawn a, chuvangin khawpui fai inelna tir ber hi a pawimawh em em a ni.

He inelna-ah hian Mizo-ram-a khawpui 23 te an tel vek ang a, Mizoram khawpuite hi Category 2-ah thenin hetiang hian inelna siam a ni ang a, Category I-ah District Hqrs. (Aizawl, Lunglei, Champhai, Kolasib, Serchhip, Mamit, Siaha leh Lawngtlai) te dah an ni a.

Category II-ah khawpui (Town) dang zawng – Saitual, Khawzawl, Hnahthial, Vairengte, Tlabung, Kawnpui, Thenzawl, N.Vanlaiphai, Darlawn, Zawlnuam, Biate, Khawhai, Sairang, Lengpui leh Bairabi te an tel ang.

September ni 1 atanga September ni 20 chhunga endikna kalpui tur a ni ang a, khawpui fai endikna tura tehkhawng hrang hrangte chu – Open Defacation Free (30), Solid Waste Management (20), Information, Education & Communication (10), Community Participation (15), Drains (15) leh Public Feedback (10) te niin, a vaiin mark 100 a ni ang.

He faina inelnaa khawpui thlanchhuahte tan hian Category I leh Category II tan lawmman siam a ni ve ve dawn a, Rank 1-in Rs.1,00,000 leh Certificate an dawng ang a, Rank 2-in Rs.50,000 leh Certificate dawngin, Rank 3-in Rs.30,000 leh Certificate bakah a dangten Certificate an dawng dawn bawk a ni.

District tina khawpui fai ber (rank sang ber) tan certificate hranpa siam a ni dawn a, heng Khawpui fai lawman hi October 2, 2017 ah Cleanliness Week Opening Ceremony ah sem a ni ang.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.