Chanchinthar Mizoram

UN Agency hrang hrangte Zofa ten ṭangkaipui thei tih sawi

UN Agency hrang hrangte chu Zofate tan kawng hrang hrangin an ṭangkai thei a, hmang tangkai tur erawh chuan a kawng zawn thiam a ngai lo thei lo tih Joshua Cooper, UN indigenous rights facilitator chuan a puala inkawmhona ZoRO office-a neihah a sawi.
UN agency hrang hrangte hi an hnathawh zawng a inang vek lo nain, Zofate tan hian tangkai theihna an nei theuh a, ei leh bar lama hmasawnna turte leh sorkar hrang hrang hnuaia awmte tana inpawhna tha zawk a awm theih nante pawh UN agency te hi an tangkai thei vek a ni, a ti.

Zofate tan UN agency tangkai theih dan a sawinaah, Aizawl khawpui hi danglam a tih thu Joshua Cooper chuan a sawi a, tlang pang awih lutuka in sakte, kailawn awm dante hi hmun dangah hmuh tur a awm lo emaw tih mai tur a ni a, chu chu UN agency-a culture lam buaipuitu UNESCO hian heritage site-ahte lo puang ta se khualzin hipna tha tak a ni thei dawn a. Hetih rual hian thil reng reng awlsam takin a lo kal chuang lo a, inbiak pawh a ngai a ni, a ti bawk.

Joshua Cooper hi Hawaii Institute of Human Rights-ah executive director a ni a, University of Hawaii West Oahu-ah political science zirtirtu a ni bawk. Human rights buaipuitu a nih avangin mi an chanvo (rights) chang lote UN agency hrang hrangte an hmunpuiah lo sawipuiin a lo ṭanpui thin a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.