Chanchinthar Mizoram

Vairengte NGO-ten an thil ngiat tihhlawhtling turin sawrkar duh

Vairengte NGO Coordination Committee chuan Vairengte khaw tana an thil ngiat chi hrang hrang chu kumtawpa inthlanpui neih tura Model Code of Conduct-in sawrkar kut a phuar hma in sawrkar in tihhlawhtlin sak ngei se an duh tih an sawi.

Nimin khan Aizawl Press Club a thuthar lakhawm tute kawmin, Vairengte NGO Coordination Committee General Secy Pu Lalnunkima Ngente chuan sawrkara an thil phut zingah Vairengte khua leh a khawper khuate-Phainuam, Saihapui-V leh Saiphai kalpawhna kawng sawrkar hmasa a PMGSY hnuaia siam tawh chu helai cheng mipuite indawr tawnna kawng pawimawh anih avangin Black Top a siam ngei te, Vairengte Water Supply Scheme kum 2002 a hawn tawh mi 10,000 chawm zo tura tih chu a tira huam ve loh Counter Insurgency and jungle Warfare School (CIJWS) ten nasa taka an rin ve tak avanga tui kham khawp an hmu loh avanga tihlen tur te a tel a ti a. Kum 2009-a Police Modernisation Scheme hnuaia Vairengte Police Station sakṭhatna tur Saituala pawh pen tak chu an ui takzet tih sawi lehin Vairengte chu inthlan dawn apiangin cheibawl an tum thu sawi thin mahse sawrkar an hrawn tawh hrang hrang chuan an beisei ang hma-sawnna an pe leh ngai si loh avangin, harsatna chi hrang hrang an tawh thu leh ramri chung-chang harsatna thlengah pawh huaisen ngam lovin tawlh zel a ngai thin tih a sawi a ni.

Pu Lalnunkima chuan Vairengteah Fire station changtlung tak din an mamawh thu leh tunhnai kangmei chhuakah pawh a hnai ber Kolasib atangin kangthelh tur kal lovin Assm lam atang zawkin kangthelh motor in a tanpui zawk tih a sawi a, hemi avang hian state tan pawh a zahthlak avangin Fire Brigade changtlung tak siam an phut tih a sawi bawk.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.