Serchhip District Legal Services Authority chuan Inrinni khan District Court building, Serchhip-ah Lok Adalat a buatsaih a, an pawisa chinfel (Settlement Amount) hi Rs.13,26,600 a ni.
Lok Adalat hi Josangzeli Tlau, MJS-in kaihruaiin Conciliators Dr. Laldinpuia, Social Worker leh Lalrinhlua, Advocate-ten an tawiawm a, Serchhip District chhung atanga thubuai chi hrang hrang 67 lut atangin thubuai 39 chinfel niin, thubuai chinfel hlut zawng (Settlement Amount) hi Rs.13,26,600/- zet a tling a ni.
‘National Lok Adalat’ hi mipuite tan awlsam leh rang zawk, sum leh pai sen ngai loa thubuai ngaihtuahna leh inremna neihpui thinna niin, Serchhip District Legal Services Authority hian a khât tawkin Lok Adalat hi a huaihawt thin bakah, a tul dan azirin Serchhip District chhunga khaw thlan bikahte ‘Mobile Lok Adalat’ pawh a buatsaih thin a ni.