Nimin khan Serchhip Kawnpui VC Hall-ah
Serchhip District Village Council Association hruaitu thlanna hun hman a ni.
He inthlannaah hian Serchhip District Local Administration Officer (DLAO) Dr. C.Vanlalchhanhimi chu Returning Officer niin, hun kal tawhah District VC Association inthlanna chu sawrkar lamin an neihpui ngai loh thu leh All Mizoram Village Council Association-ten sawrkar hnena rawtna an thlen angin District tinah inthlanna hi neihpui tura tih an nih angin he hun hi buatsaih a ni tih a sawi a, VC-te chu khawtlang hruaitu an nih thu leh an pawimawh thu sawiin, an hlutna chu sawrkarin lawmman atana sum a pêk ṭhin aṭanga teh lo turin a chah a, District
VC Association-te chu ṭangkai taka hman tum an nih thu a sawi bawk.
Serchhip District VC Association President atan B.Vanlalsawma, Serchhip Kawnpui North VC thlan a ni a, Vice President-ah TC. Lallala, Keiṭum VC; Secretary-ah Lalrinṭhuama Kawlni, Serchhip Vengchung VC; Asst. Secretary-ah C.Vanlalnghaka, Thenzawl East VC; Treasurer-ah H.Lalrawngbawla, Chhiahtlang South VC leh Fin. Secretary-ah Lalrintluanga Pachuau, Baktawng VC-te thlan an ni.