Thangthar Pasaltha YMA: Vena’s Pa

YMA chuan vawiin June ni 15, 2015 ah hian kum 80 a lo tling ta der mai. Heti chena upa pawl lian tak chuan mizo hnam tan thil tangkai tak tak a ti ti thin. YMA hian a huang a zauh nasa a, zirna uar leh nungcha humhalh tih te leh khawtlang nun siamthat tih te kumpuan thupuiah a nei a, ram leh hnam humhalh kum puan leh ruihhlo do phei chu a tul ngang a niang a thlah hlei thei lo chu a nih hi.
YMA hi tanpui ngai te tanpuitu a nih avang hian tan pui ngai ve lem lo tan chuan a hlut na man thiam a harsa a. Kumpuan hrang hrang kalpui tawh naah khan thahnem ngaih luatah duh aia thuk a dai chang a awm a. Tin, Hmun thenkhat khatah an hruaituten YMA an hmuh dan fuh tawk loh avangin pawl hlauhawm leh mahni inhaivurna rem chang tak maia ngaih theihin a awm ve bawk thin. Mahse, YMA chu pakhat a ni a, lan dan hrang hrang nei mahse a nihna chu a ngai reng.

Kan hriat angin hman ah chuan mizo te hi mi lu la hnam tia sawi kan ni a. Hnam dang nena indo leh keimahni pawh khua leh khua inruna inbei thut thut thin kan ni a. Chumi karah Sa hrang kar ah mipui van tlang nun chu ven reng ngai an ni a, chuta tan chuan ralven bukah Zawlbuk chu an hmang thin. Zawlbuk chu an univer sity lian a ni a, an professor Val upa leh pa saltha te hmang in englai pawh in an inzir reng a, an pro fessor te hian chawi mawi an phuin ngaihsan pawh an hlawh na ngiang e.

Ral run leh Zawlbuk in stitution a bo hnuah pawh hian thil siam zinga zirtir ngai reng bika Bible in a sawi mihring te hi zirtir ngai reng kan  kan nih avangin, hnam bila mizote min kaihruaitu  professor nih na keng tel chungin ram leh hnam vengtu pasaltha nihna chu YMA hian a luah zui ta a. He nihna hi zo taka a luah theih nan mahni zawn theuha tan la ila,kan changkansan chuan kan ral mai dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram