Image File-a thu in chhu sa kha chhut chawp leh kher ngai lovin, Computer-ah edit theih turin a text kha i la lut duh em? Khatiang kha i la lut duh a nih chuan OCR (optical Character recognition) hmangin i la chhuak thei a, he Software hian handwriting, Computer-a print leh Typewriter-a chhut pawh edit theih turin word emaw, txt format-in a siam chhuak leh thei a, amaherawhchu OCR Software hian i text lakluh tur kha a format a chhawm tel zel \hin a, hei vang hian text i lakluh khan za-ah 100 a dik thei lo \hin a, amaherawhchu Document tamah chuan chhut chawp leh ai chuan OCR software hman mai hi thil awlsam tak a la ni tho tho a ni.
Tunah chuan OCR Software chungchang hi kan sawi zui lovang a, Software dang ngai lovin Microsoft-in he thil tih theihna Microsoft Office-a a dah tel hmanga tihdan awlsam tak kan sawi dawn a ni.
He thil ti tur hian i Computer-ah Microsoft Office i installed a ngai a, Microsoft Office-ah pawh chuan Microsoft Office OneNote i installed tel a ngai a ni.
A tihdan :
- Microsoft Office kha i System-ah install la, OneNote install tel ngei ang che. Install laia i Customize loh chuan Default chuan OneNote hi a install tel nghal \hin.
- Microsoft Office OneNote chu hawng la (Start–>All Programs–>Microsoft Office–>Microsoft Office OneNote)
- Drag and Drop hmangin Text i lak chhuah duhna Image File chu Microsoft OneNote Window-ah chuan hnûk lût rawh
- Image-ah chuan Right Click la, Copy Text From Picture-ah khan Click la,
Hetiang hian:
Notepad emaw, MS Word emaw (text i save duhna apiangah) khan paste la a ni tawh maiTikhan kha text kha i duh duhin i edit thei tawh mai dawn a ni.Lehkha-a thu inchhu sa pawh Scanner hmangin i Computer-ah lalut la, hetiang hian a text kha edit theih turin awlsam takin i siam thei dawn a ni.