Khumtungah chenna In 4 kang ral

Serchhip February 23, 2013:    Nimin chhun khan Khumtung Venglaiah chenna In 4 chhungkaw 6 luah lai chu a kang ral vek a, chhungkaw hnih chuan bungrua pakhatmah an chuh hman lo a, In pakhat ceiling leh a chung vel a chhia a, In pakhat thiah a ni bawk.

Khumtung YMA President Pu PC Lalpekliana sawi danin kangmei hi Pu H.Lalengzauva In hnuai Vawkchaw chhumna in atanga chhuak nia rin a ni a. In kang te hi Pu H.Lalengzauva In, anmahni leh a hnuai Pi H.Lalmuankimi te luah te, Pu PC Dochhunga In te, Pu K.Laldinpuia In, anmahni leh a hnuai Pu PC Vanlalngheta luah te, Pi K.Vanlalhruaii In te a ni a. Pu T.Sapchhunga In Concrete chu a chung rangva leh ceiling vel a kang chhe nual hman bawk a, mahse a kan nasat lutuk hmain \helh hman a ni. Pu PC Laldinsanga In chu a kan hmain vuak \hiah vek a ni bawk.

Pu H.Lalengzama leh a hnuai luahtu Pi H.Lalmuankimi te hian bungrua pakhatmah an chuh hman lo a, midang te hi chuan tlem tlem an chuh hman a ni.

He kangmei chhuakah hian Mihring thi leh hliam an awm lo a, Broler ar 20 vel a kang hlum a,vawk 2 a kan hlum bakah vawkpui rai lai a kang hliam bawk.

Kangmei chhuak hi a nasat avangin khaw \henawm Tlungvel, Baktawng, Phulmawi, Chhingchhip a\angte in kang thelh tura inpun khawmin Khumtung hi an pan a, Serchhip a\angin Kang\helh motor a tlan a, mahse MIFCO bulah a chhe hlauh a, a dang an tlan leh a, chhun dar 12:30 a\anga kang \an kha an \helhmih fel tak chu tlai dar 3 vek niin YMA President Pu Lalpekliana chuan a sawi.

Serchhip a\angin Pu Vanlalrova SDC leh Pu Robert C.Lalhmangaiha ASO te an thleng nghal a, Silpouline 10 pein sawrkar atanga tanpuina awm thei ang te an dap pui nghal a sawi a. Chhiat tawkte tan hian YMA in bawm an dawh nghal bawk. Nizan khan VCP inah khawtlang hruaituten chhawmdawlna leh tanpuina thawh dan tur chungchang an rel nghal a ni. Chhiat tawkte chhungkua hi nizan lamah a rem remah an invawm lut a. Pi K.Vanlal-hruaii te chhung hi Community Hall ah, Pu PC Vanlalngheta te hi VC House ah, Pu K.Lal-dinpuia te chhung chuan an chhungte an bel a, Pu PC Laldinsanga leh Pu PC Dochhunga te chu In ruakah dah an ni a, Pu H.Lalengzauva te chuan an chhungte an bel bawk a ni.