AMFU chuan Mizoram sawrkar-in hmunphiah atanga royalty a lak chu sang lawr hle a tih thu a sawi a, Environment & Forest Department-in Hmunphiah Royalty atan NLUP Hmunphiah ah `3.50 leh tual\o Hmunphiahah `7/- zel a la chu hriatthiam har an tih thu sawiin, NLUP Hmunphiah leh tual\o Hmunphiahte thliar hrang lo a Royalty hi kg-ah `1/- aia sanga la lo turin thuneitute a ngen tih a sawi.
AMFU chuan Mizoramah Hmunphiah tharchhuah a kum tela a lo pung chho mek zel chu lawmawm an tih thu an sawi a, NLUP kaltlangin Mizoram hmun hrang hrangah Hmunphiah nasa taka chin chhoh mek zel a ni a. Hetih mek lai hian Hmunphiah chungchangah harsatna hrang hrang a awm chu AMFU General Headquarters chuan pawi a ti hle a ni, an ti.
Environment & Forest Department-in Hmunphiah Royalty atan NLUP Hmunphiah ah `3.50 leh tual\o Hmunphiah a `7/- zela a la hi AMFU chuan pawi a ti tih sawiin, kan \henawm State, heng Meghalaya-ah `0.37/Kg, Manipur ah `0.50/Kg., Nagaland ah `1.00/Kg zel an lak laia Mizorama he titak maia sanga Royalty, Hmunphiaha lak a ni hi AMFU chuan pawi a tiin hriatthiam har a ti tak meuh meuh a. Tin, Hmunphiah Royalty lak chungchangah hian NLUP Hmunphiah leh Tualto Hmunphiahte thliar hrang lo a Royalty hi `1/Kg aia sanga la lo turin AMFU General Headquarters chuan thuneitute a ngen tak meuh meuh a ni, an ti.
Hmunphiah tharchhuahte a chingtuten man man taka an hralh theih nan ruahmanna felfai tak siam a, ram dang leh hmun danga an kalpui dan ang a Regulated Market hmanga hmala vat turin AMFU chuan thuneitute a ngen a, Hmunphiah Market-ah Competition a awm theihnan tumah duhsak bik nei lo a, dik leh fel taka hma la turin thuneitute a ngen bawk a ni.
AMFU chuan, “Mizoramah a mi cheng tam zawkte chu kuthnathawka eizawng niin an dinhmunte a chhe hlawm hle a. Heng dinhmun hniam leh harsate khaichhuak turin Mizoram Sawrkar chuan NLUP a kalpui mek a. Chutih rualin, kuthnathawktute hmalakna thenkhat lo hlawhtling chho mek zel atangin chhiah hrang hrang leh Royalty te uchuak taka lak ching Department thenkhat an awm thin hi AMFU chuan thalo a ti hle a. Kuthnathawktute dinhmun ngun zawk leh chik zawk a ngaihtuaha kuthnathawktute tana harsatna thlen zawnga hmalalo turin AMFU chuan thuneitute a ngenin a phut tlat a ni,” tiin an thuchhuahah chuan an sawi bawk.