Chalfilh Assembly bial inthlanna vawiina neih tur atan inbuatsaihna te peihfel vek a ni tawh a, tukin dar 8 atanga tlai dar 5 thleng vote thlak tur a ni.
Inthlanna neih tur atan hian Returning Officer Pu A Biaklawma chuan ngenna siamin, vote nei zwawng zawng te chu an duhthlanna diktak hmanga vote thlak tur leh tlai lama vote thlak tur te chu tlai dar 5 hmaa, polling area thleng hman vek turin a ngen a ni. Returning Officer sawi danin, Polling station awm zawng zawng 29-a duty tur ten an awmna hmun an thleng kim tawh a, inthlan thlithlai tura ruat Sectoral Magistrate 3 te chuan EVM chhiat thulha a thla veng tur 2 theuh an kawl bawk a ni. Chalfilh bial-a vote nei mipui 17,054 te chu vote thlak tura beisei an ni a, he tinthlanah hian candidate 7 an awm a, he bialah hian polling station 13 chu venhim ngai zual bikah puan a ni a, vote tla te chu karleh ningani khian chhiar a ni dawn a ni.