Bawnghnute dahkhawlna leh vawn\hatna din dawn

Chief Minister Pu Lal Thanhawla chuan Bawngvulh tute hlawhtlin avanga bawnghnute thar a tam tak avangin Cheng Nuai 350 sengin thla 4/5 chhungin Chhingchhip-ah Treatment Plant din a ni dawn a, Serchhip-ah Bawnghnute dah khawlna leh a vawn \hatna din a ni bawk ang, tih a sawi.

Chief Minister, House Leader ni bawk hian nimina House-a NLUP chungchanga zawhna a sawibelhnaah he thu hi sawiin,  Chief Minister chuan NLUP hnuaia sem, Bawng thi 4- kha sorkar mawh a ni tih an pha lo tih a sawi a, bawng an thih chhan hi an kalna kawng a thui tham avangin an chau a, dah hrana enkawl zui nachang an lo hriat loh vang a ni a ti a, tun dinhmuna Department-in harsat-na a neih tak ber chu Bawng chaw a nih thu sawiin sawrkarin hei hi a ngaihtuahpui a ngai dawn a, subsidy-in an tih theih dawn leh dawn loh te pawh ngaihtuah a ngai dawn a ni, a ti.

Hemi hma hian zawhna chhangin AH & Vety Minister Pu Nihar Kanti Chakma chuan NLUP 1st Phase-a Bawng sem fel anih hunah chuan kum khatah Bawnghnute litre Nuai 22 thar chhuah beisei a ni tih a sawi a, NLUP Bawng sem anih hma chuan Aizawl-ah Bawnghnute litre 7,000 a lut \hin a, tunah chuan litre 9,600 a lut tawh a ni, a ti a. NLUP 3rd Phase kalpui fel a nih hunah chuan Mizoram White Revolution a thlen theih beisei a ni a, in ral bak Bawnghnute chu ei tur siam nan hman a ni ang a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram