Med-Aim 7th Day Adventist hospital Zotlang ‘E’ Champhaia thawk lai KH Thangkholal Baite Kum 38 S/o Holkhothang Baite (L) Rengkai Manipur khua chu Doctor lem a chan avangin man a ni.
Thudawn danin KH Thangkholal Baite hi June 2012 khan Doctor anga insawiin Med aim 7th Day Adventist Hospital Zotlang ‘E’ Champhaiah midang Document hmangin a thawk tan a, 19 February 2013 thleng a thawk a. Damlo a enkawl danah Med-Aim Hospital Director H.Lalramchullova chuan a rinhlelh avangin RIIMS ah a zawt fiah a, a document (duplicate) leh Roll number te chu Midang ta daih a lo hman avangin Med -Aim Hospital Director chuan Champhai Police station-ah FIR Lemchan Case March ni 9 khan a theh lut ta a ni.
Rinhlelh a nih hnu hian KH Thangkholal Baite hi a bibova, zawn nghal a nia, March ni 12 Zan khan Imperial Hotel Zarkawt Aizawlah a biru tih hriatchhuah a ni a, Manipur a haw tur a a insiam lai Champhai Police ten nang ching in an man ta a ni.
March ni 13 zan dar 10 vel khan Champhai Police Station thlen pui a ni a, Champhai Police te chuan mipui thinrim kut a tawrh an hlauh avangin he mi zan la la hian Court-ah hruaiin Thubuai siam sak a nih hnuah Champhai District Jail-ah dah luh nghal a ni.