Tuichangral Games & Sports Association buatsaih Sangzingi & Zirtirtu Denghrima Memorial Football & Volleyball Championship vawi 2-na chu nimin khan North Vanlaiphai-ah khelh \an a ni a, he Tournament hi Pu Robert C. Lalhmangaiha, ASO & Nodal Officer, NLUP Serchhip District-in a hawng.
Pu Robert-a chuan thusawiin, infiamna chi hrang hrangte chu hunawl hnawhkhahna leh eizawnna chauh ni lovin dinchhuahpui tham a nih thu a sawi a, hetianga mi tam tak ten dinchhuahna an neih theihna tura infiammi ten inelna an neih theihna tura khawtlanga mi inphal an la awm zel chu lawmawm a tih thu a sawi a, hetianga mi inphal te inphalna hi \angkai taka chhawr tum turin he huna kal-khawmte chu a chah bawk.
Serchhip District Football Association President, Pu Zomuana Hnamte pawhin thusawiin, Serchhip District chhunga Footballer 25 te chuan eizawnna neiin phai-ah an awm mek tih a sawi a, Mizoram Premier League (MPL) khel turin Serchhip District Team buatsaih tum a nih thu leh hemi atan chak taka hma lak mek a nih thu a sawi bawk.
He Championship-ah hian Tuichangral khaw hrang hrang a\angin Football Team 14 leh Volleyball Team 6 telin karleh Thawhlehni-ah zawhfel a ni ang.