Zothlifim Logo
Loading ...

Tunhnaia Mizoramin Power Supply a hmuh chhiat avanga Politics-a inchirh-thehna awm mek avangin tun-hnai khan kawlphetha thar chhuahna hmun lian ber Serlui ‘B’ Small Hydel Project leh, Bairabi Thermal Power Plant te a hmunah kalchilhin inpuhmawhna thenkhat an zu finfiah tih MNF party hruaitu ten an sawi.

Nimin khan Aizawla MNF party office Hnam Runah thuthar lakhawmtute kawmin, an party Gen Secretary Pu TC Pachhunga chuan kawlphetha MW 12 pechhuak thei Serlui Hydel Project hi Congress sawrkar hmasa chuan MW-9 pe chhuak thei turin bul an \an hnuah an tawpsan zui a, hemi hnu hian MNF sawrkar chuan MW 12 turin an sawrkar hnuah hma an la zui tih a sawi a, Environmental Clearance leh Forest Clearance la lova Congress in an puhna sawifiahin, Clearance fel vek lo pawhin hna a thawh theih a ni a ti a, Serlui ‘B’ chu State Sector a nih avangin he Project MW 12 atan hian chu Sawrkar dinglai tan Forest Clearance lak chhuah thil har a nih loh thu leh Environmental Clearance awm lo chunga power chhit a ni reng tho si chu thil inmil lo a ni a ti a, an sawrkar leh chuan awlsam tea an chinfel theih an ring tih a sawi.

Kawlphetha MW 22.92 pe chhuak thei Bairabi Thermal Power Plant chu Cheng vaibelchhe 85.95 senga MNF Sawrkar-in a thawh zawh hnuah kum 2003 khan hman theih turin Commission a ni a tih a sawi a, tun hnua a chhia a, siam mek a ni ti a Congress in an sawi chu mipui an bumna a ni a ti a, a hmunah an zu enfiah thu sawiin, helai hmunah hian a vengtu-te bak mihring hmuh tur pakhatmah an awm lo tih a sawi.