Khawvel record siamtu kum 94 nih hnu-a hlawhtling taka a lung an zai sak Pu V.L. Bela chu Zirtawpni zanlai pelh khan kum 102 mi niin a thi a, Inrinni khan Tuikual-a an inah vuiliam a ni.
Zirtirtu hna thawk \hin Pu Bela hi kum 2005 April ni 23 khan Kolkata-a BM Birla Heart Research Centre-ah hlawhtling takin a thisen zam hnawhtu chu lung lam doctor thiam hmingthang Dr Tarun Praharaj-a leh a hote抧 an zai a. Hetianga lung zai 憇tent angioplasty� an tih mai hi kum 80 tling chinah chuan an ngam meuh lova; a chhan chu an zai lai emaw a hnu-ah emaw harsatna awmin an thi duh em em a. Mahse, Pu Bela tumruhna chu zah sakin hlauthawng tak chungin an zai hlawhtling ta a. Kum 2011-a Tuikual-a an ina a pian-champha vawi 101-na an lawm-naah pawh Dr Praharaj hi a rawn tel ve vang vang a ni.
Dr Praharaj chuan Pu Bela hi India rama lung zai hlawhtlin upa ber a nih thu a sawi a. Khawvel huap pawhin England leh Brazil-a kum 91 mi lung an zai a hriat thu a sawi a. Chuvangin khawvela lung zai hlawhtlin upa berah a puan ngam thu a sawi a ni.