Lunglei District Jail Sazaikawn-a tang te chu Jailer lakah lungawi lovin nimin khan tan in chhungah nasa takin bengchheng an siam.
Jail t鈔g te chuan Ran ang maia enkawl an nih thu an sawi a, jail-a tang thei zat aia tam hnawhkhawm an nih bawk avangin an lungawilo hle a, jailer chu sawn chhuak se an duh thu an sawi a ni.
Hetianga tang ten bengchheng an siam avang hian Lunglei atangin Addl DC 2, Magistrate 1 bakah Police OC te pawh Jail-ah hian an kal nghal a, hetihlai vek hian DIG Prison Pu Lawmthanga pawh Jail-ah hian a thleng nghal a, Jail tang te chuan Jailer hi sawnchhuah an phut thu sawiin sawnchhuah anih loh chuan buaina lian zawk a thlen phah mai thei ni a sawiin an thinrim hlea ni.
Sazaikawn District Jail ah hian mi 170 vel dah theih a ni a, tunah hian mipa ringawt pawh 200 an tang mek a, an zinga 10 chu damchhung tang tur te an ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117