Serchhip Joint VC te chuan MGNREGS Work Agency atana din, Village Employment Council (VEC) chu kumin sawrkar kum tawp ruala an term tawp tura an ngaih thu leh kumthar atangin MGNREGS Work Agency ah VC nih zui leh an duh.
Nimin khan Serchhip Joint VC hian thutkhawm neiin Serchhip khawpui chhung faina kawnga hma an lak dan thlirin VC tin ten tun aia nasa zawka hmalak nise an ti a, faina kawnga hmalakna atan Serchhip khawpui chhunga VC tin ten thla khatah vawihnih tal khawchhung fan \hin nise an ti a, chhungtin te pawhin bawlhhlawh halna hmun an neih \heuh theihna tura hmalak nise tiin VC te hian faina kawngah hian sum ui lovin theihtawp chhuaha hmalak nise an ti bawk. Hei bakah hian tunhnaiah Serchhip Mat lui-ah Motor lian hmanga bawlhhlawh paih an awm thin chu an ngaihmawh thu sawiin, Truck leh Pik-Up Owners Association te hnenah hemi chungchang hi thlenin mipuite hnenahpawh paih tawhlo tura ngenna puanzar nise an ti bawk.
He \hutkhawm Serchhip Chhim Venga Lalpuithanga Hall-a neih hi Chairman aiawh Pu C. Lalhminghlua’n a kaihruai a, Mizoram sorkar in MGNREGS Work Agency atana Village Employment Council (VEC) a hman mek chu kum khat term a nih anga tun sorkar kum kal meka an term a tawp rualin VC te chu a hma ang bawka Work Agency an nih leh theih nana hmalaksak tura Mizoram sorkar an duh thu an pass a.. Hei bakah hian lirthei khawlaia tam lutuk pawh VC te hian ngaimawh in Motor Garage neilo ten an neih vek theihna tura hmalak nise tiin, Garage neilo te Motor Register tawhlo turin District Transport Officer chu ngen nise an ti a, Serchhip in tui lama harsatna a tawh mek chu sutkian a nih theihna tura hmalak dan tur PHE Department hotute sawipui nise an ti bawk