Serchhip News

PHE-in Training buatsaih

Nimin khan New Serchhip YMA Hall-ah CCDU, PHE buatsaihin Training on Water Quality Monitorin & Surveillance neih a ni.

He hun hi Pu R.Ronghaka, SDO, Rural WATSAN Sub-Division-in a kaihruai a, Pu Ronghaka chuan tui fim ringawt hi a thiang-hlim lova, natna hrik tam tak a awm tel a, chung natna hrik te tibo tur chuan mipui leh sawrkar te \angruala \an kan lak a ngai a ni a ti.

He huna zirtirna petu, Pu Lalramhluna, Chemist, Serchhip PHE District Laboratory chuan tunah chuan Serchhip District hi kan la vannei a, tui thianghlim lo in vangin natna nasa tak kan la veilo niin a lang a, amaherawhchu kan tui tlan te hi kan hriat loh hlanin nasa takin a danglam thei a, tui thianghlim lo in vangin natna nasa tak kan vei hmaa lo invên lawk chu kan tum a ni a, chumi tur chuan kan tui tlan te Laboratory-a a khat tawka kan test reng a \ul a ni a ti a, tunhnaia Serchhip District chhung khaw thlan bik 5-a Survey an neihnaah pawh tui an test-ah pawh Magnessium Hardness a sang tlangpui tih a sawi bawk. Pu Lalram-hluna hian tui pawimawhna leh tui sample lak danah zirtirna a pe a, Pi Remtluangi, Bacteriologist in lawmthu a sawi a ni.

He hunah hian Serchhip District chhung khaw hrang hranga Village Water & Sanitation Committee aiawh mi 120 chuan an kal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram