Zuangtui leh Seling inkar 132 KV Line chhia chu siam\hat a la nih loh avangin naktuk-ah Power and Electricity Dept chuan a siam chhunzawm dawn a, hemi avang hian tukin dar 6:30 atanga tlai dar 5 thleng Serchhip, Lunglei, Lawngtlai, Saiha leh Champhai District bakah Thingsulthliah tlangdunga khaw engemawzatin kawlphetha an hmu thei dawn lo va, thil awmdan hrethiam turin Department hotute chuan a tuartu mipuite an ngen a ni.
An Department hotute sawi danin hei hi Tuirial leh Seling inkara Power line thlunna Tower No.25-naa electric hruipui thlunkai theih nan a ni a, he hna hi kar kalta khan ni 2 chhung lo thawh tawh a ni a, amaherawhchu, zawh theih a nih loh avangin naktukah zo fel tura chhunzawm leh a ni ang.