Mizoram sawrkar, kohhran, tlawmngai pawl leh zirlai pawl ten thla hlui ni 18-a Mamit Dist atanga hel ho-in an rukbo mi 5 te chu him dam taka chhuah turin an ngen.
Nimina Home Minister Pu R.Lalzirliana office-a Mizoram Kohhran Hruaitu Committee, Central YMA, MZP, MSU leh Hunthar Veng YMA Office Bearer te inhmukhawm chuan, hel pawl NLFT thlazar hnuaia awm hel pawl pakhatin Mizo 5 an rukbo chuan chi leh chi inkarah buaina nasa zawk a thlen thei tih hriaiin, a ru botu ten him dam tak leh rang takin, intiamkamna engmawh awm lova chhuah turin an ngen tih an sawi a ni.
February ni 18 zing kar khan Mamit Dist-a Dampa Tiger Reserve huamchhunga hnathawk mi 5 hel ho in an rubo a, tun thleng an chin hriat a ni lova, anmahni chhan-chhuak tura police te hmalak-naah nimin thleng khan thuthar hriattur a la awm lo a ni.