Zirtawp zân khân Vaphai Fiara tui kalkawnga Siallâm khaw hmun hluia Model Village an siam “Thlangtlâk Mual” -a Zawlbûk an sak chu mi tu tih hriat lovin an hâl.
Vaphai Branch YMA chuan Dungtlang Police Outpost-ah FIR theh lûtin a titute hi chhui mêk an ni a. He thu buatsaih lai hi chuan a titute hi hriat an la ni lo.
Thudawnnain a tarlan danin, khawtlângin Thlang-tlâk Mual ramchin tur hi Zirtawpni khân an rîn fel a, Chhuahtlang ram huam chin tur an chhinchhiahnaah hian mimal ram t.henkhat rîn luh tel a ni a. Zan lamah Zawlbûk an sak hi a kâng zui nghâl nia thu dawn a ni. Thlangtlâk Mual lungphum hi April ni 11-ah phûm tum a ni a. Mizo Lal in leh Zawlbûk an sak hi Vaphai Lal, Lalrokhama chuan enpuiin Zawlbûk sak dan tur dik taka sain Lal In nihphung tur dik taka duan a ni bawk a. Mipui tha pawh 1240 lai sên a ni a. Hetianga khawtlâng rohlu hâl a ni ta mai hi khawtlâng hruaitute chuan pawi an tih thu an sawi.
(Pic : mizohistory.org)