Mizoram Assembly Budget Session chu vawiinah \an a ni dawn a, vawiin inkhawm-ah Governor Pu Vakkom Purushothaman-an house hmaah thu a sawi ang.
Assembly inkhawmah hian Zirtawpni khian Finance Minister Pu H.Liansailova’n kum 2013-2014 atana Mizoram Budget a pharh dawn a. Planning Commission-in Mizoram Plan sum tur a la bithliah loh avangin kumin sawrkar kum kallai meka Plan sum zat behchhanin Budget hi duan a ni dawn nia hriat a ni.
Plan sum punna ang ang chu Supplementary Demand pahnihnaah siam rem leh a ni ang a, Assemby inkhawm leh hun remchangah House pawmpui tura pharh leh a ni ang a, Budget hi March ni 28-ah pawm vek hman tura ruahman a ni bawk.
Session neih tur atan hian sorkar lamin dan siam thar tura an ruahman 3 a lut tawh a ni.