Mizoram News

A tam thei ang ber sipaia ṭan tum turin sâwm

May ni 7 aṭanga ni 11 thlenga Rajiv Gandhi Stadium, Mualpuia Sipai lak runpui neih turah Central YMA chuan a tam thei ang ber sipaia ṭan tum turin Mizo ṭhalaite a sawm.

Hemi chungchanga Central YMA thu chhuah chuan he Sipai lak runpuiah hian Mizo thalai, a tam thei ang ber sipaia an luh theih nan Central YMA leh Sainik Welfare & Resettlement Department chuan ṭan an la tih a tarlang a, Sipaia ṭang duh ṭhalaite tana thil hriat tur pawimawhte chu Central YMA hruaitute leh Sainik Welfare & Resettlement Deptt. hotuten sawihona buatsaihin an tarlang a, hei hi tun thla chhung hian Doordarshan leh Local Cable TV-ah te tum 2 tihchhuah a ni dawn tih sawiin, hei hi lo en ngei tur leh, hmang tangkai turin sipai tang duhte chu Central YMA chuan a ngen a ni.