Serchhip News

A thlâwnna inentir nan Serchhip damdawi In thlang

RSBY (Rashtrya Swasthya Bima Yojana/National Health Insurance Scheme) ah Mizoram a tihṭhat vangin sawrkar laipui, Ministry of Labour & Employment chuan Serchhip damdawiin chu a thlawna damlote inentirna leh damdawi pawh a thlawna pek vekna atan a thlang.

Health department hotute sawi danin nikum chhung khan RSBY ah hian dilna (claim) 9477 dawngin heng zinga 2033 te dilna chu hnawl a ni a, sum hi `4,40,88,780/- pekchhuah a ni a, kumin January-February ah nuai 8 pekchhuah leh a ni. Kuminah hian inziahluh (enrollment) tih zawh tawh a niin chhungkaw 103394 inziaklut an awm.

Mizoram chuan RSBY a kalpui ṭhat vangin lawmman pathum National Award-Outstanding improvement in implementation of RSBY, 2011-12 te; Best performing state in north east India, 2012-13 leh Ministry of Labour & Employment Award te an dawng a. Hei vang hian Serchhip OPD chu damlo ten cashless an tih theihna leh enchhin tur zingah a telh ve a ni. RSBY-ah hian damdawiin a admit te chauhin hamṭhatna hi an dawng thei a, kum khat ah `30,000/- thleng man chawi lovin an hmang thei a ni.

Mizoram Health Care Scheme hnuaiah nikum chhung khan dilna 4219 dawn a niin heng zinga dilna 366 chu hnawl a ni a, `6,08,60,947/- pekchhuah a ni a, kumin 2013 January-February chhung khan `52,65,190/- pekchhuah leh a ni bawk.