Thawhṭanni zan khan Lalremruata S/o Lalzuia, Serchhip Chanmari veng chuan Serchhip Bazar-ah dawr engemawzat a khawih a, Lalremruata hi Police-ten an man nghal a ni.
Thudawn danin Lalremruata hian Shoe Centre Godown-ah lutin pheikhawk bun 10 vel a la a, New Medical Store a mi Pawisa fai `300 a ru bawk a, Siloam Medical Store-a damdawi zawrh lai Peptica strip 3 a la a, Chhingpuii Tea Stall a mi Taaza bawm 1 a la bawk a, hei bakah hian dawr engemawzat chu a kalhna tala a tichhia a, dawr a luhna ṭhenkhatah erawh engmah khawih a neilo niin hriat a ni a, Lalremruata hi zu leh damdawi a rui nia hriat a ni a, dawr a khawih hnuhnun ber a khawih lai thawm hi dawr ṭhenawma miten hria-in dawr neitute an hrilh a, nizan hmasa dar 3 rik hma deuh khan an man a, a thil lak te pawh hi hmuhlet leh nghal niin thudawn a ni bawk.
Police te chuan Lalremruata hi an la nghal a, Police Station aṭanga thu kan dawn danin, nimin lam pawh khan Lalremruata hi a la rui hle a, thu zawh tlakin a la awmlo niin an sawi.
Thu dawnna pakhatin a sawi danin dawr rawktu hi tun hma pawha ruk ruk case vanga man lo tawk tawh ṭhin a nih bakah, rualbanlo pawngsual vanga jail tang tawh niin, jail aṭanga rawn chhuak hlim hlawt chauh niin thudawnna chuan a sawi.