Zothlifim Logo
Loading ...
Mizoram NewsMizoram News

Aizawl Police Station beitu nia rinhlelh Bethlehem veng mi 12 te chu nizan hmasa khan Police ten an man a, niminah bail a chhuah leh nghal an ni.

Thulakna tarlan danin, kumin January ni 29 zana College veng leh Bethlehem veng a In pakhat leh lirthei engmaw zat haltu nia puh bethlehem vengthlang nula pahnih, Lalchhandami (24) leh Lallawmkimi (20) te February ni 2 zana man an nih hnua thubuai kal zelaah February ni 16 khan nula pahnihte an in puan tak avanga Aizawl Station a mipui pungkhawm zingah engemaw inhmuh thiamlohna thleng zui avangin Bethlehem veng mi \henkhat chuan Police Station tawngin, lirthei an tichhia a, he thila inhnamhnawiha puh te chu man an ni a, an vaiin 12 an ni.

He thilah hian Aizawl PS chuan thubuai engemaw zat a ziaklut a, Video atanga thlirletin , hemi zana che nasa zual nia hriat mi 12 te hi an man nia thudawn a ni a, nimin khan venhimna pawh khauh taka kenkawh nghal niin, buiana chhuak zui erawh a awm lo a ni.