Book of the Year – Sihlipui ziaktu chawimawina hlân

Mizoram News

Mizo Academy of Letter Book of the Year 2012 atana thlan “Sihlipui” ziaktu, Khawzawl khua Romuanpuii Zadeng hnenah chawimawina thuziak leh sumfai `5,000/- nimin khan Parliamentary Secretary Pu Lal Thanzar’an a hlan.

Nimin khan Mizo Academy of Letters din champhaphak vawi 49-na lawmna leh MAL Book of the Year 2012 lawmman hlanna inkhawm MBSE Conference Hall Chaltlangah neih a ni a, he hun hmanpuitu Pu Lal Thanzara chuan thu leh hla lama mi thiam leh miril intelkhawmna pawl Mizo Academy of Letters-in ngaihtuahna nasa tak senga thu leh hla lama Mizote’n hma an sawn theihna tura an hmalakna te a fak a. Mizo hnam naupang tak chuan thangthar lo awm zel tur tan an nihna an hriat zel theih nana kaihhruai te; hmanlai Mizo thu leh hla, thangtharte chhiar theih tura vawn that te leh Information Technology khawvela cheng, lehkhabu chhiar na chang hre tawhlo thalai tam tak zingah lehkhabu chhiar chakna chawk tho tura thahnemngai taka tan lak zel chu MAL kovah a innghat, a ti.

MAL chhinchhiah danin, kum 2012 chhung khan Mizo irawm chhuak lehkhabu 135 tihchhuah a ni.

Leave a Reply

This site uses Akismet to reduce spam. Learn how your comment data is processed.