Mizoram News

Bus chesualah mi pakhat thi

Nimin chhun dar 12 vel khan Phuaibuang Bazar Bus Lawmsanga & Sons, MZ01 H 6092 chu Saitual aṭanga Km 18–19 inkarah chesualin kawng thlangah a tla a, he Bus-a chuang, nausen pawm lai Pi Vanlalchami (32), Khawlian a thi a, a nau pawm, thla 10 mi vel a thihsan a, mi 21-in hliam an tuar bawk a ni.

Police te sawi danin hliam zingah hian na deuh mi 5 an awm a, a dang chu na tak an awm lo a, Phuaibuang leh Saitual damdawi inah te enkawl a ni a. Hliam te hi Khawlian khua 21, Phuaibuang khua 5, Rawlbuk, Aizawl Nursery, Aizawl Thuampui leh Keifang mi pakhat theuh an ni. He Bus hi Pu C.Remthanga Phuaibuang khaw ta a ni a, Stephen Laltlansanga khalh a ni a, Bus ah hian Driver telin mi 21 an chuang a, Kawngkawi ah tlantlangin kawng atanga Ft 20 vela hla kawrte ah a tla thla a, Chetsual chhan hi driver in a sawi dan chuan Brakefail vang a ni.

Hliam na zual zing ah Zachhiari (67) leh a pasal Lalkham te bak ah Kawlhluni Thuampui veng Aizawl Khawliana zirtirtu hnathawk te chu Aizawl lama enkawl tura phurh thlak an ni a, a hriat veleh Bialtu MLA Dr.Ngurdingliana chuan chhiat tawhna hmun hi a pan chho nghal a ni.