Serchhip News

Cable TV Monthly Fee tihtlâwm remti

Serchhip-a Cable TV Operator te chuan Monthly Fee Rs.200/-a khawn an remti ta.

Serchhip Cable TV Operator-te leh Serchhip District Consumer Association leh Serchhip Town Village Council hruaitute chuan Cable TV monthly fee tihsan leh san loh chungchang sawihona (Joint Meeting) ni 8.4.2013 khan Serchhip Hmar Veng YMA Hall-ah a nei a. He Meeting-ah hian Cable TV Monthly Fee chungchang kawng hrang hrangin ṭha tak leh inpawh taka sawiho a ni a. Serchhip Cable TV Operator-ten kan khawtlang mipuite dinhmun hrethiamin leh Consumer Association leh khawtlang hruaitute ngenna ngai pawimawhin Cable TV Fee `250/-a an lo kalpui tawh chu fee khawn leh hmasak ber March thla aṭangin `200/-a lâk leh an remti a, amaherawhchu January leh February thlaa `250/-a fee an lo khawn tawh tihdanglam a ni dawn chuang lova, Serchhip District Consumer Association chuan Cable TV neitute – Pu R.Laldaihzauva (TT Vision) leh Pu F.Lalzamlova (SCN) te chungah an lawm tak meuh meuh tih thuchhuah siamin an tarlang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram