Ziona kaihhruai Chana Pawl tia hriat larte chuan an awmna khua Baktawng Tlangnuam a\anga Hmuifang tlang panna kawng kilometre 3 leh a chanve a thui chu anmahni sum sengin an siamtha mek a, Km. 1 chuang hnatlangin an ‘Black Top’ tawh.
Chana pawl te hian he kawng siamna atan hian a tira kawng awmsa chu ni 100 inhlawhna hmanga tihzauh leh siamrem a nih hnuah tun thlengin anmahni sum thawh khawm cheng nuai 25 sengin, ‘alkatra’ hmanga siam hna hi thawh zui a ni a, hemi hma hian khaw chhung inkalpawhna pawh KM 1 leh a chanve vela sei an siam tawh a. Kawng siam hnatlanna-ah hian pa hovin kawng huam chin leh a zawl tha tura siamrem hna an thawk a, nu leh nula hovin rora chhut hna thawkin tlangval ten alkatra chhuan leh thiar an thawka, Road Roller awm loh avangin a khaw nawtin thir phek hmangin an chhu rual thin a ni. Chana pawl hian Carpentry leh bungbel chhun hmangin ei an zawng bera, tunhnaiah Horticulture Department nen tangkawpin Aloe Vera an chin hmanga sahbawn an siam bakah kum 2006 atang khan nungcha humhalh tanin, an pawl zingah silai leh sairawkherh neih an khap a ni.
Mizo ten Khawvel a chhungkaw hung bera an chhal chhungkawpa ber Ziona hian tunah hian nupui 39 , tu leh fa leh mo leh makpa engemaw zat a nei mek a, Baktawng Tlangnuam an pawl awmna huam chhungah hian Job Card 360 awmin, mi sang 2 chuang an cheng mek a ni.