India News

Chief Justice of India hlui thi

Chief Justice of India ni thin JS Verma chu nizan hmasa khan a thi a. Kum 80-a upa a ni.

JS Verma-a awmna Gurgaon-a ‘Medanta Medicity Hospital’ hotu Dr. Yatin Mehta sawi danin Chief Justice of India hlui JS Verma hi nizan dar 9:30 khan a thi a ni. Dr. Mehta sawi danin JS Verma hi a thinin hna a thawh that loh avang leh internal bleeding a neih avangin damdawiinah hian awmtir a ni.

JS Verma hi Chief Justice of India 27-na a ni a. Kum 1997, March ni 25 aṭang khan he hna hi chelhin kum 1998 January ni 18 khan a pension a ni. JS Verma hi nikum December ni 16-a, Delhi-a hmeichhe kum 23 mi pawngsualrawn-in a hrinchhuah pawngsualtute hremna dan ennawntu Committee kaihruaitu kha a ni nghe nghe a ni.