Zothlifim Logo
Loading ...

Nimina Formula One Chinese GP-ah Ferrari chuan dinhmun ṭha an rawn chang chho leh ta a, pathumna aṭanga bul ṭan, Fernando Alonso chu pakhatna a ni.

Lotus driver Kimi Raikkonen chu pahnihna niin, Mercedes Driver, Lewis Hamilton chu pathumna a ni a, 2012 World Champion Sebastian Vettel chu palina a ni a, Jenson Button chuan dawtin, Ferrari diver pakhat zawk Felippe Massa chu parukna a ni.

Qualifying Race-ah Alonso hian Lewis Hamilton leh Kimi Raikkonen a phak lova, Alonso chuan,”A bul tan atanga a tawp thlengin kan che tha a, car-ah harsatna kan tawk lo. Tin, kan tyre hi kantlanna khua leh leilung nen a inmi em em a, kan beisei piah lam a ni”, tiin a sawi a.

Kimi Raikkonen chuan pahnihna a nih hi a chhawr tangkai hle mai, Vettel khan Podium a chan phak tak loh avangin Drivers Championship-ah points 3 chiahin an inthlau ta.

Vettel chuan points 52 neiin hma an hruai a, Raikkonen chuan dawtin, points 49 a nei a. Alonso hi pathumna a ni a, 43 points a nei a, Hamiton chu palina niin 40 points a nei bawk a ni.

Race results:
1. Fernando Alonso – Ferrari
2. Kimi Raikkonen – Lotus
3. Lewis Hamilton – Mercedes
4. Sebastian Vettel – Red Bull
5. Jenson Button – McLaren
6. Felipe Massa – Ferrari
7. Daniel Ricciardo – Toro Rosso
8. Paul di Resta – Force India
9. Romain Grosjean – Lotus
10. Nico Hulkenberg – Sauber