Zothlifim Logo
Loading ...
Mizoram NewsMizoram News

Taxation Minister Pu Zodintluanga’n New Secretariat Complex-ah Taxation Department hmunpui, Commissionerate Building sakna tur lungphum nimin khan a phum.

Pu Zodintluanga chuan Taxation Department Building sakna tur lungphum a ni ta chu Department tan ni chhinchhiah tlak tak leh hun rei tak atanga an lo nghahlelh em em a ni, a ti a. Taxation Department chu Department naupangte ni mahsela Mizoram Sawrkar tan chuan Department pawimawh tak a ni a, sorkara sum an chhun luh te chu Mizorama hmasawnna hnathawh nan a tangkai a, central scheme-a state matching share tur sum te pawh heng sum chhunluh atanga ruahman thin a ni a ti.

Sawrkar kum 2012 – 2013 khan Taxation Dept hian chhiah atanga sum an hmuh tur zat cheng vaibelchhe 170.27 tuk anih laiin cheng vaibelchhe 184.96 an chhunglut a, an target hi cheng vaibelchhe 14.69 in an khum a ni. Sawrkar kum kalta ah an sum chhunluh hi a hma kum 2011-2012 aiin cheng vaibelchhe 35.47 in a pung a ni.  Nmina hawn tak, Taxation Building hi `3,87,36,320/- senga sak tura ruahman niin, thla 24 chhunga sak zawh tur a ni.