Mizoram Sawrkara Disaster Management & Rehabilitation Department (DM&R) leh GeoHazards International ṭangkawp chuan Aizawl Khawpui hi Lirnghing leh Leimin laka a him zawk nan thawhhona thuthlung MoU an ziak.
He thuthlungah hian Mizoram Sawrkar chuan engmah senso tur a nei ve lovang a, GeoHazards International hian kum 2 chhung an project thawh tur ah senso zawng zawng an intum dawn a ni. He Project hi kum 2 chhunga thawh tur a niin a senso zawng zawng hi an tum vek tur a ni a. Aizawl an cham chhung 21 – 25 April, 2013 khan Aizawl veng hrang hrang te tlawhin leimin leh lirnghing laka eng ang chiaha him lo nge tih te an enfiah a. Heng an thil enfiahte hi an hmunpui San Francisco, USA ah an zir chiang ang a, October, 2013 ah Aizawl rawn tlawh leh an tum a ni.
GeoHazards International/GeoHazards Society aiawh te hi USA atangin mithiam 6 leh India aṭangin 5 an ni a. Anmahni hi Earthquake Engineer te, Land use Planner te, Seismologist te, Geologist te an ni.
He MoU hi Principal Secretary, DM & R, Pu P.C. Lallawmsanga leh GeoHa-zards Society President Pu Hari Kumar ten nimin khan an ziak fel a ni.